حقيقة
لما تلاقي الشمس بتغرب..
ماتقولليش انها بتضلِّم
ليه ماتقولش انها راح تشرق ف بلاد تانيه؟
ليه ماتقولش انها راح تطلع بعد شوية؟
ليه ماتشوفش البدر بيطلع
يرجع تاني الدنيا تنور
يمكن نورها في اللحظة دي..أحلى شوية!
أصل ساعات..لما قلوب الدنيا بتخدع
قصدي لما تكون في سكون..
والنور فجأة يفاجئك،يقطع
تلقى ضلام
.بس دقيقة..
تلقاك شايف كل حقيقة
تقدر تمسك حتى خيالك وسط ايديك
اصل الرؤية بدأت توضح
كل ماتصبر..بتشوف أكتر
أصل الدنيا..لما ساعات بتقيد وتنور
تلقى النور ضارب ف عينيك
وانت سعيد!شايف الدنيا بارقة ولامعة!
واما تضلّم..أول حاجة تشوفها عينيك
هي دموع
عارف ليه؟؟
اصل النور كان حايش عنك صورة نفسك
وانت حقيقتك..بس دموع!
بقلم/ رانيا منصور محمد
