اوعى تتوجع لوحدك
اوعى تتوجع لوحدك
مش لوحدك
انت مش موجود عشان بس الوجع ياكل ف قلبك
انت مش غايب يا هايب وش غيبة حد حابُه
انت مش غايب باقولك!
يعني مش هتكون سكون
انت كاين جوا كل حصاية ساكنة
مستنياك
لجلن تقول انا جيت
لجل ما تصبح اميرة
انت مش محتاج بصيرة
ياللي شايف
ياللي حاسس
يمكن اكتر م اللي لازم
وانت راجع
جاي تاني
وغصب عنك
مش هتستحمل بعادك
ياللي محفورة المحبة وسط كفينك بتحفر
شكل قلبك
جوا عينك
دي اللي مش عارفاها لسه
بس عارفاك لسه جواك قلب متوجع بيحبي
نفسي تيجي
ياللي بتحاوطك حكاية
انت ليه بتخاف لا تفرح
ولا لأ مهقولشي ليه
مانت زيي
اه يا قلبي
ياللي حبي فيك وخوفي وكل تعبي
نفسي بس افرح شوية
لجل ما اعرف افرحّك
ليه يا شِعر اتشل كفك
ليه ماعدت تقول كلام
كل ما بتقول قالوه
ولا يعني عشان ما حاسس
طب داهو عبيط وخايف
قلُّه أدِّيه انت ساكت
واني مش هاسكت سكاتك
واني حباه اد قمة كل كلمة مش باقولها
وان حرفي اغبى مني
واني بابكي بجد جدا
واني مش عرفاني مالي
ليه حروفي ساكته خافتة
وواخدة لطمة فوق خدودها
لما باصبح بعد حبة حب صافية
بعد ليلة فيها دمعة
بس فيها حاجة جامعة
حاجة منك
حتى عيني لما بابقى صاحية باكية
وهيّ وارمة
اه بحبك
بس سكتة
يكفي حبك
يكفى تفرح
يكفى تعرف
فاوعى تتوجع لوحدك
***
رانيا منصور
