!!!تفتكروا هنقدر؟
وجعانا قلوبنا
و يا مين يساعدنا
ويقوي إيمانا
و يداوي جروحنا
رايحين جايين
في الدنيا الفانية
ندور على روح
تـــاهـــت مــنــا
و نقول ونعيد
ونحاول نشرح
كان طفل سعيد
بيحاول ينضح
بأمان و براءة
وبيجري ويمرح
وكأنه فراشة
في الزهر بتضحك
كان فاكر دايما
الطيبة بتغلب
والدنيا أمان
كان فاكر أنه
في بلاده أمير
كان فاكر أنه
هيلاقي عروسة
حلوة صغنونة
تضحك وياه
ويعيشوا في جنة
و يشيلوا ولادهم
وينموا بلادهم
ويملوا الدنيا
فرح و حنان
..
..بص ولاقي
كان حلم جميل
بيطير لبعيد
من قسوة روحنا
لاقى العدل
ضعيف ولهان
لاقى الحب
في قلوبنا مهان
لاقى الفرح
مسروق عيان
لاقي عروسته
مكسورة ضعيفة
جرحوا طهارة
وبراءة جميلة
سرقوا حلم
خلونا ننام
نحلم بجراحنا
خلونا نعيش
نقول يا خسارة
يارتنا فضلنا
صغار أحرار
ويارتنا ما فوقنا
على روحنا بتنهار
ويارتها ما ماتت
طهارتنا وتوهنا
ويارتنا ما بعنا
سعادتنا بأيدنا
وياريت أفراحنا
في الآخر تغلب
وياريت أحزانا
في الدمع بتطلع
..
في عيون أطفالنا
بنلاقي براءة
نسيتها قلوبنا
نحتاج أحضانهم
تلملم روحنا
نحتاج ضحكتهم
تداوي جروحنا
ونحاول نضحك
في عيونا يلاقوا
خوف و حنان
ويحاولوا يملوا
دنيتنا أمان
ونحاول نشرح
غدر الأيام
ونقول لنفوسنا
الدنيا أمان
متقولش لابنك
ينسى الأحلام
يمكن بكرة
تضحكله الأيام
ويعيش مع حلمه
ونلاقي الدنيا
للزهر بتضحك
ونلاقي أرواحنا
ونداوي جروحنا
ونعيد أحلامنا
!!!تفتكروا هنقدر؟
...
نوران محمد ابراهيم
