يا وابور يا مولع
حُط الفحم
اجرى واتدلع
حُط الفحم
يا وابور يا وابور يابو صفارة
يلا هنركب نوّاره
ونلف الشارع والحارة
ونصفر توت
على كل صحابها وحبايبها
نجرى ونفوت
ونزمر زى الزُمارة
ونصوصو زى الكتكوت
ونخُش جنينة نجيب وردة
ولماما الحلوة هنهديها
واغانى البطة والدبْة
لبابا الحبوب هنغنيها
ونلف ندور توت توت
ونقول يا وابور توت ت
وتطير بينا امّال توت توت
زى العصفور توت توت
دخَّلنا جناين توت توت
مليانة زهور توت توت
كون خُف النحلة توت ت
وتسابق الدبور توت توت
واحنا نغنيلك ونلعلع
اجرى واتدلع يا مولع
يا وابور يا مولع
حط الفحم
-----------------
فى البحر سمكة
بتزُق سمكة
ع الشط واقف
صياد بشبكة
فى البحر موجة
بتزُق موجة
والشط زحمة
وزعيق وهوجة
وهند تضحك
وتقول لبابا
يا بابا هاتلى
بسكوت ونوجة
وبابا طبعا
عايزها تكبر
وتبقى اكبر
وتبقى احلى
فى جمالها وردة
ولما تلع
بتقول دى نحلة
ويجرى بابا
وييجى جايب
لهند طبعا
ست الحبايب
النوجة اهيه
والسمسمية
هتاكلى ياللا
ديه وديه
ويا رب اشوفك
قدام عنيا
قمورة حلوة
وكمان شقية
وكبيرة خالص
وغلباوية
بالضحك رايحة
بالضحك جاية
----------------------------------
